მომავლის სამუშაო ძალა: BDO-ს 2022 წლის გლობალური კვლევა ბუნებრივი რესურსების ინდუსტრიაში
28 მარტი 2022
Original content provided by
BDO
როგორ მოვიზიდოთ ახალი თაობა: სკეპტიკოსების გარდაქმნა ინოვატორებად
ბუნებრივი რესურსების სექტორის კომპანიები უმნიშვნელოვანეს როლს თამაშობენ გლობალურ დეკარბონიზაციის პროცესში.
როგორც ინდუსტრიას, მას ყველაზე მაღალი პოტენციალი აქვს, რომ რეალური წვლილი შეიტანოს მწვანე მომავლის შექმნაში, თუმცა უპრეცედენტო წნეხს აწყდება რეკრუტინგის პროცესში - ახალგაზრდები, რომლებიც ახლა უერთდებიან აქტიურ სამუშაო ძალას, დაუფარავად ეჭვქვეშ აყენებენ კარიერის მიმზიდველობას ამ სფეროში.
საკითხის სიღრმისეულად გაანალიზებისთვის, BDO-მ ჩაატარა სკოლის მოსწავლეებისა და სტუდენტების, ასევე ინდუსტრიის ლიდერების კვლევა (ავსტრალიიდან, კანადიდან, ლათინური ამერიკიდან და გაერთიანებული სამეფოდან) მათი კარიერული სწრაფვების, ბუნებრივი რესურსების ინდუსტრიისა და სექტორში არსებული კარიერის ტიპების მიმართ განწყობების დასადგენად.
750 რესპონდენტსა და გლობალურ და რეგიონულ ანალიზზე დაყრდნობით, კვლევის შედეგებით გამოიკვეთა, რომ Z თაობას (1997-სა და 2012-ის შუალედში დაბადებულები) აღელვებს სამსახურის სტაბილურობა და მისთვის მნიშვნელოვანია პლანეტის მომავალზე ზრუნვა. აშკარაა, რომ რაც Z თაობას სურს, ინდუსტრია დღევანდელი მოცემულობით იმასვე ვერ სთავაზობს. ეს აცდენა კი უნდა აღმოიფხვრას და ამის მიღწევა შესაძლებელია.
სწორი საკადრო რეზერვის შექმნას გადამწყვეტი მნიშვნელობა აქვს შემდგომი წარმატებისთვის ბუნებრივი რესურსების ინდუსტრიაში. ჩვენს გლობალურ რეპორტში გაეცნობით შემდეგ საკითხებს:
- ტალანტების მოზიდვის სტრატეგიები
- სხვა ინდუსტრიებიდან მიღებული გამოცდილება
- როგორ შეუძლიათ ინდუსტრიის ლიდერებს, სისრულეში მოიყვანონ Z თაობისთვის სასურველი პროგრესული იდეები
- ნაბიჯები ორგანული ცვლილებებისკენ, რომელიც გარდაუვალია თანამედროვე გამოწვევების პირობებში.
ჩამოტვირთეთ სრული ანგარიში
ინფოგრაფიკი: სტუდენტების ხედვა
ინფოგრაფიკი: ინდუსტრიის ხედვა