ჩემისახელით: BDO-ს სოციალური პროექტი
26 დეკემბერი 2022
#ჩემისახელით არის BDO-ს სოციალური პროექტი, რომლის ფარგლებშიც ჩვენი დამკვეთების, პარტნიორებისა და გუნდის სახელით, მხარდაჭერა და მადლიერება გამოვხატეთ უკრაინაში დაღუპული ქართველი მებრძოლების ოჯახების მიმართ. გვქონდა პატივი შევხვედროდით მათ მეუღლეებს, შვილებს, მშობლებს, დებსა და ძმებს, მოგვესმინა გმირობის არაერთი შთამაგონებელი ისტორია მამაცი, სამშობლოზე შეყვარებული, თავდადებული ადამიანების შესახებ.
ამ კამპანიით გვინდოდა გვეჩვენებინა თუ რამდენად მნიშვნელოვანია ოჯახებისთვის მათი მეუღლეების, მამების, შვილების, ძმების ღვაწლის დაფასება და ტკივილის გაზიარება.
პროექტი ითვალისწინებს, 24 თებერვლიდან 6 დეკემბრის ჩათვლით გმირულად დაღუპული მებრძოლების ოჯახების ფინანსურ მხარდაჭერას და ფოკუსირდება სამშობლოში გადმოსვენებულ მებრძოლებზე, რომლებსაც საქართველოში ოჯახები დარჩათ. ამ ოჯახებისთვის ცხოვრება უნდა გაგრძელდეს ღირსეულად და თუკი ამ პროექტით შევძლებთ მადლიერების გამოხატვას, ჩავთვლით რომ რაღაც კარგს ჩაეყარა საფუძველი.
#PeopleHelpingPeople #დიდებაგმირებს #СлаваУкраїні